Хойд бүсийн хүүхдүүдийн боловсрол, ирээдүйд хамтдаа бодит дэмжлэг үзүүлцгээе!
«Энх-Үүрийнтуяа сан» нь Булган, Орхон, Хөвсгөл аймгийн 11, 12-р ангийн нийт сурагчдад чанартай боловсрол, элсэлтийн шалгалтын бэлтгэл болон олон улсын их сургуулиудад суралцах боломжийг нээж өгөх энэхүү боловсролын санаачилгад нийгмийн хариуцлагаа эрхэмлэгч аж ахуйн нэгж, байгууллагуудтай нээлттэй хамтран ажиллахдаа таатай байна.
Боловсролоор бүтээгдэх ирээдүй
Хүүхэд бүрт байршлаас үл хамааран ижил түвшний мэдлэг, тэгш боломжийг олгох зорилго
Тэгш хүртээмж
Алслагдсан сум, суурин газрын сурагчдад төвийн сургуулиудын хүүхдүүдтэй нэгэн адил чанартай агуулга, бэлтгэлийг үнэ төлбөргүй хүргэнэ.
Бодит үр дүн
Шинжлэх ухаанч богино аргууд, өдөр тутмын тасралтгүй бэлтгэлээр сурагч бүрийн суурь мэдлэг, шалгалтын гүйцэтгэлийг шат дараатай ахиулна.
Хамтын үнэ цэн
Хүүхдүүдийн боловсролд оруулсан дэмжлэг бүхэн орон нутгийн хөгжил, Монголын ирээдүйн чадварлаг боловсон хүчний бат бөх суурь болно.
Байгууллагын онцлогт нийцсэн түншлэлийн боломжууд
Танай байгууллага дараах чиглэлүүдээс сонгон, өөрсдийн боломжит хэлбэрээр хамтран ажиллах боломжтой
Боловсролын тэгш хүртээмж
Хойд бүсийн Булган, Орхон, Хөвсгөл аймгийн нийт сурагчдад чанартай Англи хэл, Математикийн сургалтыг үнэ төлбөргүй, хүртээмжтэй хүргэх үйлсийг хамтдаа дэмжих
Олон улсын боловсролын гарц
Авьяас, хичээл зүтгэлээрээ манлайлж буй шилдэг залуусын IELTS, SAT болон дэлхийн нэр хүндтэй их сургуулиудад суралцах хүсэл эрмэлзлийг тэтгэх
Дижитал сургалтын орчин
Алслагдсан сум, багийн сурагчдад дижитал орчинд саадгүй суралцах боломж, цахим боловсролын таатай орчныг бүрдүүлэхэд хамтран ажиллах
Урамшуулал & Идэвхжүүлэлт
Хичээлийн жилийн турш сурагчдын тууштай суралцах сахилга бат, амжилтыг дэмжсэн нэрэмжит уралдаан, сорил, танин мэдэхүйн үйл ажиллагааг хамтран хэрэгжүүлэх
Доржсүрэнгийн ҮҮРИЙНТУЯА
УИХ-ын гишүүн • NORTH EDU төслийн санаачлагч
NORTH EDU 2026–2028 төсөлд хамтран ажиллах, нийгмийн хариуцлагын хүрээнд дэмжлэг үзүүлэх болон боловсролын түншлэл тогтоох санал хүсэлтээ албан ёсны Facebook хуудсаар шууд илгээнэ үү.